2016 jylǵy 31 naýryz, Astana qalasy
2015 - 2016 oqý jylyn aıaqtaý jáne orta bilim berý uıymdarynyń bilim alýshylaryn qorytyndy attestattaýdan ótkizý týraly
«Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 14) tarmaqshasyna sáıkes, sondaı-aq 2015 - 2016 oqý jylyn uıymdasqan túrde aıaqtaý, menshik nysanyna jáne vedomstvolyq baǵynystylyǵyna qaramastan, jalpy bilim beretin oqý oryndarynyń bilim alýshylaryn aralyq jáne qorytyndy attestattaýdan ótkizý maqsatynda buıyramyn:
1. Oqý jylyn aıaqtaýdyń jáne bilim alýshylardy aralyq jáne qorytyndy attestattaýdan ótkizýdiń mynadaı merzimderi belgilensin:
1) jalpy bilim beretin kúndizgi jáne keshki (kezekti) oqý oryndarynyń barlyq túrlerindegi mektepaldy, 1-11 (12) synyptarda oqý sabaqtarynyń aıaqtalýy - 2016 jylǵy 25 mamyr;
2) 5-8 (9), 10 (11) synyptardaǵy bilim alýshylardy aralyq attestattaýdan ótkizý - 2016 jylǵy 31 mamyrǵa deıin;
3) negizgi orta bilim berýdiń jalpy bilim berý oqý baǵdarlamasyn meńgergen 9 (10) synyptyń bilim alýshylaryn qorytyndy attestattaý – 2016 jylǵy 30 mamyr - 15 maýsym aralyǵy, jalpy orta bilim berýdiń bilim berý oqý baǵdarlamasyn meńgergen 11 (12) synyptyń bilim alýshylaryn qorytyndy attestattaý – 2016 jylǵy 1 - 20 maýsym aralyǵy;
4) negizgi orta bilim berýdiń jalpy bilim beretin oqý baǵdarlamasyn meńgergen 9 (10) synyptyń bilim alýshylary - úsh mindetti emtıhan jáne tańdaý boıynsha 1-2 pánnen aýyzsha emtıhan.
Mindetti emtıhandardyń tizbesi, nysany jáne ótkizý merzimderi:
ana tili men ádebıetinen (oqytý tili boıynsha) jazbasha emtıhan – 2016 jylǵy 30 mamyrda (gýmanıtarlyq pánderdi tereńdete oqytatyn mektepterdiń jáne gımnazııalardyń bilim alýshylary úshin - shyǵarma, qalǵandary úshin - dıktant);
algebradan jazbasha emtıhan - 2016 jylǵy 3 maýsymda;
orys, ózbek, uıǵyr jáne tájik tilderinde oqytatyn mektepterdegi qazaq tilinen aýyzsha emtıhan - 2016 jylǵy 8 maýsymda;
qazaq tilinde oqytatyn mektepterdegi orys tilinen aýyzsha emtıhan - 2016 jylǵy 8 maýsymda;
5) jalpy orta bilim berýdiń bilim berý oqý baǵdarlamasyn meńgergen 11(12) synyptyń bilim alýshylaryn qorytyndy attestattaý - ulttyq biryńǵaı testileý (budan ári - UBT) nemese memlekettik bitirý emtıhandary nysanynda.
Aǵymdaǵy oqý jylynda Qazaqstan Respýblıkasynyń joǵary bilim berý uıymdaryna oqýǵa túskisi keletin bilim alýshylar qorytyndy attestattaýdan UBT nysanynda 2016 jylǵy 1-15 maýsym aralyǵynda ótedi.
О́zbek, uıǵyr jáne tájik tilderinde oqytatyn jalpy bilim beretin mektepterdiń 11-synyp bilim alýshylary («Altyn belgi» attestaty men úzdik attestat alýǵa úmitker bilim alýshylardy qospaǵanda) óz qalaýlary boıynsha qazaq nemese orys tilinde UBT tapsyrýǵa qatysa alady.
Oqý bitirgen jyly Qazaqstan Respýblıkasynyń joǵary bilim berý uıymdaryna túsýdi jáne UBT-ǵa qatysýdy qalamaıtyn orta bilim berý uıymdarynyń 11 (12) synyp bilim alýshylary memlekettik bitirý emtıhandaryn: tórt mindetti jáne tańdaý boıynsha 1-2 pánnen aýyzsha emtıhandar tapsyrady.
Mindetti emtıhandardyń tizbesi, nysany jáne ótkizý merzimderi:
orys, ózbek, uıǵyr jáne tájik tilderinde oqytatyn mektepterdegi qazaq tilinen aýyzsha emtıhan - 2016 jylǵy 1 maýsym;
qazaq tilinde oqytatyn mektepterdegi orys tilinen aýyzsha emtıhan - 2016 jylǵy 1 maýsymda;
ana tili men ádebıetinen (mekteptegi oqytý tili) shyǵarma túrinde jazbasha emtıhan (keshki jalpy bilim beretin mektepter úshin - dıktant) - 2016 jylǵy 6 maýsymda;
algebra jáne analız bastamalarynan jazbasha emtıhan – 2016 jylǵy 8 maýsymda;
Qazaqstan tarıhynan aýyzsha emtıhan - 2016 jylǵy 11 maýsymda.
2. Oblystardyń, Almaty jáne Astana qalalarynyń bilim basqarmalary, respýblıkalyq mamandandyrylǵan jalpy bilim berý uıymdary 2015 - 2016 oqý jylyn osy buıryqtyń talaptaryna, «Bilim alýshylardyń úlgerimin aǵymdaǵy baqylaý, aralyq jáne qorytyndy memlekettik attestattaý júrgizýdiń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 18 naýryzdaǵy № 125 buıryǵymen bekitilgen, normatıvtik quqyqtyq aktilerdi memlekettik tirkeý tiziliminde № 5191 bolyp tirkelgen Bastaýysh, negizgi orta, jalpy orta bilimniń bilim beretin oqý baǵdarlamalaryn iske asyratyn bilim berý uıymdaryndaǵy bilim alýshylardyń úlgerimine aǵymdyq baqylaýdyń, olardy aralyq jáne qorytyndy attestattaý júrgizýdiń úlgi erejesine sáıkes aıaqtaýdy qamtamasyz etsin.
3. Almaty, Jambyl, Ońtústik Qazaqstan oblystarynyń jáne Almaty qalasynyń bilim basqarmalary ózbek, uıǵyr jáne tájik tilderinde oqytatyn mektepter úshin jazbasha bitirý emtıhandaryn ótkizýge arnalǵan emtıhan materıaldaryn 2016 jylǵy 25 mamyrǵa deıin daıyndasyn.
4. Mektepke deıingi jáne orta bilim, aqparattyq tehnologııalar departamenti (J.A. Jontaeva):
1) respýblıkalyq mamandandyrylǵan jalpy bilim berý uıymdarynyń 9 (10) jáne 11(12) synyptarynyń bilim alýshylary úshin qazaq tili men ádebıetinen, orys tili men ádebıetinen, algebradan, algebra jáne analız bastamalarynan emtıhan tapsyrmalarynyń paketterin 2016 jylǵy 25 mamyrǵa deıin daıyndasyn;
2) qazaq tili men ádebıetinen shyǵarma taqyryptaryn Mońǵolııanyń, О́zbekstan Respýblıkasynyń jáne Reseı Federasııasynyń Bilim mınıstrlikterine 2016 jylǵy 15 sáýirge deıin jetkizsin;
3) shyǵarma taqyryptaryn jarııalaý úshin 2016 jylǵy 30 naýryzǵa deıin «Qazaqstan muǵalimi» jáne «Ýchıtel Kazahstana» gazetteriniń redaksııalaryna usynsyn;
4) osy buıryqtyń Qazaqstan Respýblıkasynyń Ádilet mınıstrliginde
memlekettik tirkelgennen keıin kúntizbelik on kún ishinde onyń kóshirmesin «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp joldaýdy;
6) tirkelgen osy buıryqty alǵan kúnnen bastap bes jumys kúni ishinde Qazaqstan Respýblıkasy Bilim jáne ǵylym mınıstrliginiń mórimen rastalǵan jáne osy buıryqqa qol qoıýǵa ýákiletti adamnyń elektrondyq sıfrlyq qoltańbasymen kýálandyrylǵan baspa jáne elektrondyq túrdegi kóshirmelerin Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin joldaýdy;
7) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy;
8) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy tarmaqtyń 5), 6) jáne 7) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
5. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri E.N. Imanǵalıevke júktelsin.
6. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Bilim jáne ǵylym mınıstri E. SAǴADIEV
Buıryq Qazaqstan Respýblıkasynyń Ádilet mınıstrliginde 2016 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №13650 bolyp engizildi.